Хөхний даруулга зүүгээгүй эсвэл зүүдэггүй эмэгтэйчүүдийг орчин үед нилээд “хайнга” эмэгтэй хүн гэж нэрлэхэд хялбар болсон. Гэхдээ 15 жилийн турш үргэлжилсэн Франц эрдэмтдийн хийсэн судалгаа эмэгтэйчүүдэд хөхний даруулга хэрхэн нөлөөлдөг талаар бодитой дүгнэлтийг хийжээ.
“Эрүүл мэнд, физиологи, анатомийн хувьд таталцлын хүчнээс татгалзсаны хариуд эмэгтэй хүний хөхөнд ямар ч эерэг үр дүн гарахгүй” хэмээн Franche-Comté in Besançon-ий их сургуулийн эрдэмтэн Denis Rouillon ярьсан байна.
Эрдэмтэд 18-35 насны нийт 300 эмэгтэйчүүдэд хөхний даруулга хэрхэн өдөр тутмынх нь амьдрал болон эрүүл мэндэд нөлөөлж буйг судалсан байна. Харин үр дүнд нь хөхний даруулга хэрэглэдэггүй бүсгүйчүүдийн хөхний булчин болон эд эс нь илүү эрүүл чанга байсан гэнэ. Хөхний даруулга үргэлж, өдөр тутам зүүдэг бүсгүйчүүдийн хөхний зарим булчин хөгжөөгүй, тийм учраас амархан сулардаг, унждаг үр дүнг үзүүлсэн байна.
Гэхдээ энэ нь шууд л хөхний даруулга зүүхээ зогсоох хэрэгтэй гэсэн үг огтхон ч биш. Харин хөхний даруулга зүүх хэмжээгээ аль болох цөөн болгох нь эрүүл мэндэд ийм тустай юм.
