ОХУ-ын Буриадын Улаан-Үдэд өнөөдөр эхэлсэн эмэгтэйчүүдийн боксын ДАШТ-ий сүлд дууг зохион байгуулагчид танилцууллаа.
Сүлд дуу “Victory waits for you” (Ялалт чамайг хүлээж байна) нэртэй. Үгийг Буриадын Галсан Нанзатов, Галина Дондукова нар бичиж, аяыг манай дуучин Н.Нар-Оюу зохиож, аранжировкийг хийжээ. Сүлд дууг Дулма Сунрапова, Евгения Рейзвих, Сэсэг Аюшеева, Н.Нар-Оюу, Сергей Биликтуев, Виталий Бутэд нар дуулсан байна.
Эмэгтэйчүүдийн ДАШТ-д 75 орны 300 тамирчин оролцож байна.
Н.Нар-Оюу нь манай хөгжмийн зохиолч Б.Наранбаатарын охин бөгөөд монгол, англи, хятад, буриад хэл дээр уран бүтээлээ туурвидаг. Н.Нар-Оюу Санкт-Петербургт төрж, Улаан-Үдэд өссөн. “Пентатоник” хамтлагийн дуучин байсан.