Уржигдар Парисын загварын долоо хоногийг тохиолдуулж L’Oreal Paris брэнд Gold Obsession нэртэй томоохон үдэшлэг зохион байгуулжээ
Ням гарагийн орой L’Oreal Paris брэнд Парисын загварын долоо хоногийн алдартай зочдыг Hôtel de la Monnaie зочид буудалд цуглуулж Gold Obsession Party үдэшлэг зохиосон байна. Үдэшлэгийн нэрийг харахад л Gold Obsession Party ямар дресс кодтой байх нь тодорхой байлаа. Тиймээс л ихэнх зочид гялалзсан алтлаг өнгийн хувцас өмсчээ. Жишээ нь Наташа Поли, Наталья Водянова, Констанс Яблонски ба Лола Ле Ланн нарыг дурдаж болно.
Тэгэхдээ энэхүү “Алтны халуурал”-д бүх одууд автсангүй. Карли Клосс ба Эльза Хоск нар Atelier Versace брэндийн хар даашинз сонгосон бол Ирина Шейк ч гэсэн хар өнгийн даашинз өмсөхөөр шийджээ. Харин түүний даашинзыг Azzedine Alaia загварын ордон урласан байна. Тэгвэл супер модель Наоми Кэмпбелл үдэшлэгт Brandon Maxwell-ын хавар-зуны шинэ цуглуулгын цагаан даашинзаар гангарчээ.
